Ola chicos e chicas de 1º.


No blog "PEQUENOS CIENTÍFICOS" atoparedes eses vídeos tan divertidos que sei que vos gustan moito, teredes xogos, poderei poñer as vosas fotografías, os traballos que facemos na clase, os que facedes na casa e moitísimas cousas máis.



DESEXO QUE ESTE BLOG SEXA UN ESPAZO DE APRENDIZAXE E DIVERSIÓN PARA TODOS!


martes, 26 de abril de 2022

XOGAMOS COS PEIXES E MARISCOS!


Imos repasar os nomes de peixes e mariscos, moi saudables, que podemos atopar nos mercados da nosa zona, habitualmente.

Tedes que facer parellas de peixes o mariscos.

mércores, 20 de abril de 2022

O MAR

Todos coñecemos a alguén ou temos algún familiar que ten una PROFESIÓN relacionada co traballo no mar.

O consumo de PEIXE é moi importante para ter unha DIETA SAUDABLE. Debemos comer peixe varias veces á semana para crecer fortes e sans.

Vexamos o seguinte vídeo que nos fala deste habitante dos nosos mares.


Ata os nosos amigos, os monstros, quixeron darse un paseo polo fondo do mar!


Pero, este alimento, que é tan rico, non chega ás nosas mesas por arte de maxia, senón que hai moita xente traballando para que esto sexa posible.

Hai persoas que pescan ou marisquean, outras transportan a mercancía dende os barcos ata as lonxas, tamén hai traballadores que conducen os camións cheos desta mercadoría para que chegue aos mercados e por último á nosa mesa.

IMOS VER CON MÁIS DETALLE COMO É ESTE PROCESO.







No seguinte vídeo imos ver como se traballa na lonxa de Cambados.


QUE INTERESANTE!

martes, 19 de abril de 2022

EDUCACIÓN VIAL NO ESPAZO!


Despois do accidente do platillo volante dos monstros co foguete de Pepiño, decidimos aprender Educación Vial no planeta Terra.

Aprendemos moitas cousas importantes para movernos pola rúa con seguridade, tanto cando somos peóns como cando circulamos en bicicleta.

O seguinte traballo foi diseñar sinais para o espazo, que eviten os accidentes entre foguetes, platillos volantes e calquera outro medio de transporte que poda circular polo noso ceo.



Que boas ideas tiveron todos os nenos!

martes, 5 de abril de 2022

APRENDEMOS EDUCACIÓN VIAL

O accidente que tiveron o platillo dos monstros e o foguete de Pepiño o outro día, fíxonos pensar o importante que é saber EDUCACIÓN VIAL.

A maioría das veces somos PEÓNS, pero cando imos en bicicleta temos que coñecer algunhas sinais de tráfico para non cometer ningunha infracción.

Os seguintes vídeos móstrannos información moi interesante.






O MOVEMENTO DE ROTACIÓN DA TERRA

Despois das nosas investigacións xa temos claro cal e o motivo de que existan o DÍA e a NOITE.

O responsable é o movemento de ROTACIÓN da TERRA.