O OUTONO XA ESTÁ AQUÍ!

Hoxe, martes 23 de setembro, ás 3 horas e 4 minutos, chegou o outono.

Esta estación rematará o 21 de decembro porque chegará o inverno.

O HORTO ESCOLAR

O horto é un ECOSISTEMA terrestre no que interactúan as hortalizas e verduras con pequenos animais e co medio ambiente.

Onte estivemos traballando no horto. Tiñamos que limpalo de malas herbas e recoller os froitos e hortalizas que todavía quedaban.

Así estaba cando empezamos a traballar.

 

Apañamos tomates cherry, patacas, cebolas e pementos e levamos tomates para facer unha ensalada na casa.

Así quedou despois do noso traballo.

OS ECOSISTEMAS

Un ECOSISTEMA está formado por un conxunto de seres vivos (animais e plantas), o medio que os rodea (auga, aire, terra...) e as relacións que existen entre eles.

Os seres vivos relaciónanse entre eles e co medio físico no que viven.

Os seres vivos, que son os animais e as plantas, relaciónanse cos elementos non vivos, que son as rochas, area, auga, sol, choiva...

Prestade moita atención aos seguintes vídeos.

Este curso imos traballar nun ecosistema moi interesante: O HORTO ESCOLAR.

ESTAMOS PREPARADOS!

ONDE ESTÁ A CAIXA DOS MONSTROS?

 Onte, cando chegamos a clase de Ciencias vimos que a caixa dos monstros desaparecera.

Merce preguntou se sabiamos onde estaba e dixémolles que non sabiamos nada. Todos empezamos a buscala e cando estabamos mirando dentro do armario chegou Carmen, que traía unha carta para Merce e a caixa dos monstros para nós. 

O máis raro foi que a caixa agora era moi grande. Que cousa máis extraña!

Merce abriu a súa carta, que era unha pequena historia sobre o horto que hai no cole e no que imos traballar estes días.

A continuación Alejandra seguiu as indicacións da carta e abriu a caixa dos monstros.

Repartiu un sobre a cada equipo. En cada sobre había unhas tarxetas cos nomes das partes das plantas.

Logo Merce deunos as fichas que había na caixa.

Para poder buscar ao espantallo Antón tiñamos que contestar ben a tódalas preguntas que había nas fichas.

Fixémolas moi ben e conseguimos atopar a Antón rapidamente.

Que ben! Agora Antón poderá seguir coidando do noso horto!

BENVIDOS!

Camaleón quixo darnos a benvida a un novo curso cun divertido xogo de pistas.

O primeiro que fixemos foi abrir a caixa dos monstros, que durante o verán evolucionou a unha caixa diferente. Na caixa había unhas instrucións.

No taboleiro había varios sobres con diferentes pistas.

 

Tivemos que ir abrindo as diferentes pistas, que nos mandaban a diferentes lugares do colexio, nos que atopabamos un sobre con algúns monstros dentro. Isto fixémolo ata ter todos os monstros na clase.

Despois de dar moitas voltas por todo o colexio xa temos os nosos monstros.

Con eles estamos decorando unha carpeta para ir gardando as nosas fichas durante este curso.

Están quedando moi bonitas!