UNHA CACA MOI ESTRAÑA!

Era 1 de decembro e estabamos apuntando no calendario algunhas datas importantes neste mes, que tanto nos gusta a todos, porque son as festas de Nadal, cando Carmen tróuxonos a clase un paquete que chegara para os nenos de 1º.

Abrímolo e vimos que contiña unha caca moi estraña.

É verdade que estamos metidos de cheo na investigación de por que facemos caca, pero esta caca era rarísima.

Empezamos a falar sobre a quen podía pertencer e moitos nenos coincidiron en que aqueles cornos tiñan que ser dun reno.

Un reno! Pero que pintaba un reno en toda esta historia? 

De pronto todos tivemos a mesma idea. Seguro que se trataba da caca dun reno de Papá Noel!

Porque os animais tamén fan caca, non só as persoas! Pois teremos que investigar tamén por que os renos fan caca!

Durante este mes achegarémonos ata a casa de Papá Noel, en Laponia, alí no Polo Norte.

... E POR QUE FACEMOS CACA?

Na clase de 1º estamos metidos de cheo na investigación que nos levará a contestar a tan importante  pregunta.

Os nenos expuxeron as súas ideas e debatimos sobre o que plantexaron durante a clase. A verdade é que sabían moitas cousas que nos axudarán a contestala.

Empezamos debuxando as cacas de diferentes seres vivos e os debuxos sairon moi graciosos.

Logo contestamos a unhas preguntas, entre todos.

Despois de escribir as respostas vimos na pantalla unha aplicación moi interesante que explicaba como funciona o APARELLO DIXESTIVO.

Imos ver con detalle as cousas que pasan dentro do noso ESTÓMAGO, incluindo como se producen os eructos.

E agora vexamos a última parte do proceso da DIXESTIÓN, no INTESTINO GROSO. Tamén podemos escoitar algún que outro pedete.

QUE INTERESANTE!

No seguinte vídeo podremos ver a viaxe dunha uva polo interior do corpo.

... E POR QUE?

O Proxecto do centro deste curso levaranos a preguntarnos POR QUE suceden as cousas.

O inicio foi a través dun xogo.

Na clase de 1º apareceu unha misteriosa caixa xunto a unha interrogación, que xa coñeciamos de cando investigamos os volcáns.

A caixa estaba chea de sobres con pistas, que os nenos foron abrindo con moito interese.

Apareceron moitas letras e ao final un debuxo moi gracioso dunha caca.

Decidimos escribir as letras para ver se nos transmitian algunha mensaxe.

EPORQUEFACEMOS

Lémolas e démonos conta de que había varias palabras. Separámolas!

E  POR  QUE  FACEMOS

Agora xa estaba claro!  Coa interrogación que apareceu xunto á caixa e coa caca que atopamos no campo de baloncesto tiñamos unha mensaxe. Era unha pregunta!

E  POR  QUE  FACEMOS  💩  ？

Ese sería o noso PROXECTO DE INVESTIGACIÓN!!!

Escribimos a pregunta nunha interrogación xigante e colocámola na cristaleira da entrada do cole.

OS PEQUENOS CIENTÍFICOS ESTAMOS PREPARADOS PARA COMEZAR A NOSA INVESTIGACIÓN!

OS MONSTROS NO SOUTO!

Estamos en tempo de facer magostos! 

É o momento de que as castañas, metidas nos seus ourizos, caian das árbores para que poidamos alimentarnos con este froito tan delicioso. 

O CASTIÑEIRO é unha árbore moi abundante en Galicia e os bosques destas árbores en outono son un gran espectáculo.

É unha árbore de folla caduca, que empeza a caer sobre o mes de novembro.

Aos bosques de castiñeiros chamámoslles SOUTOS.

Os monstros da clase de 1º decidiron comezar o mes de novembro nun marabilloso bosque.

... E POR QUE caen as follas das árbores?

Agora que xa sabemos por que caen as follas imos ver unhas imaxes de castiñeiros, do seu froito e das súas follas.

Bonita árbore!

UNHA VIAXE MOI INTERESANTE!

Nos pasados días Ainhoa e a súa familia visitaron unha das Illas Canarias, a illa de Tenerife. Alí, achegáronse a un volcán que agora está inactivo, o TEIDE, que é un dos volcáns máis grandes do planeta.

Onte, durante a clase de Ciencias, Ainhoa quixo compartir a súa fantástica experiencia con todos os seus compañeiros.

Explicounos moitas cousas sobre o volcán, ensinounos fotografias e ata unhas pequenas rocas volcánicas.

FOI INTERESANTÍÍÍÍÍSIMO!

Grazas Ainhoa!

Na clase tamén quixemos ir ata o Teide. Subímonos ao noso foguete e coa axuda de Google Earth puidemos ver o volcán dende o aire.

Que chulada!

O TEMPO ATMOSFÉRICO

Hoxe Camaleón preséntanos un vídeo no que fala sobre o "TEMPO ATMOSFÉRICO".

Pero que é iso? Atendamos a Camaleón!

Que interesante o que nos conta Camaleón!

Vexamos outro vídeo para aprender máis cousas.

Se queremos ver que tempo atmosférico vai facer nos próximos días en Vilalonga ou en calquera outro lugar de Galicia, podemos visitar a páxina de METEOGALICIA.

Premede na imaxe.

EQUIPO DE PEQUENOS CIENTÍFICOS

Aquí temos ao equipo de Pequenos Científicos de 1º curso de Educación Primaria.

Empezaron esta nova etapa con moitas gañas de investigar. 

Moi ben, chicos! 

SENTIDO DO TACTO: OS DEDOS DA MAN

Estamos estudando os 5 sentidos e un dos que vimos foi o sentido do TACTO.

Xa sabemos que este sentido está repartido por todo o corpo porque se atopa na PEL, pero o que máis utilizamos cando queremos ter información do que hai ao noso arredor, a través deste sentido, son as MANS.

Hoxe aprenderemos os nomes dos dedos da MAN. 

Vexamos o seguinte vídeo.

BRAVO!

OS CINCO SENTIDOS

 

O noso amigo Camaleón preséntanos este vídeo no que fala dos SENTIDOS.

Que son?  Para que serven? Cales son?

Agora vexamos os seguintes vídeos que nos explican máis cousas sobre cada un dos 5 sentidos.

Son moi interesantes!

 VISTA 

 

 OLFATO 

  

 OÍDO 

  

 GUSTO 

  

 TACTO 

 

XOGAMOS CO CORPO HUMANO!

Utilizaremos estes xogos para repasar diferentes partes do noso corpo.

PREPARADOS... LISTOS... A XOGAR!

FAI PARELLAS DE IMAXES

FAI PARELLAS DE PALABRAS CON IMAXES

ESCRIBE O NOME DAS PARTES DO CORPO

Fíxate ben neste xogo porque hai un intruso. Quen é?

BO TRABALLO!