Ola chicos e chicas de 1º.


No blog "PEQUENOS CIENTÍFICOS" atoparedes eses vídeos tan divertidos que sei que vos gustan moito, teredes xogos, poderei poñer as vosas fotografías, os traballos que facemos na clase, os que facedes na casa e moitísimas cousas máis.



DESEXO QUE ESTE BLOG SEXA UN ESPAZO DE APRENDIZAXE E DIVERSIÓN PARA TODOS!


domingo, 28 de febreiro de 2021

COÑECEMOS A ALOIA E CRISPÍN

 Pero quen son eses trasnos que atopamos na Illa de Cortegada?


Todos os nenos emitiron as súas hipóteses e moitos adiviñaron quen eran os dous simpáticos seres que aparecian entre as setas.

Para coñecer ben a súa historia vimos un vídeo no que se resolvían todas as incógnitas.



Se tamén queredes ler a historia de Aloia e Crispín premede na seta.



Despois de ver o vídeo xa tivemos claro que os trasnos Aloia e Crispín foran os que, coa súa maxia, fixeron chegar o cofre coas pistas, que atoparon Antía e Fiz, ata as Illas Cíes.

E aí comezou a nosa aventura e despois de pasar pola Illa de Ons e por Sálvora chegamos á Illa de Cortegada, donde remata cun final moi feliz.

Pero ainda nos quedaba unha sorpresa!

Non sabemos como pero durante a clase de ciencias de repente apareceu no chan da aula un pequeno barco feito con papiroflexia.
Collémolo e como vimos que había unhas letras decidimos desfacelo para ler o que alí estaba escrito.



Quen nos esperaría?

Moi intrigados saimos ao patio e buscamos xunto ao arbusto máis grande do cole, que é un fermoso camelio, e alí estaban ALOIA e CRISPÍN.

Non podiamos crelo!




Levámolos para clase xa que queremos que estean con todos os nosos amigos.


XA ESTAMOS TODOS XUNTOS!



Para resolver este misterio tivemos que visitar as illas que forman o PARQUE NACIONAL MARÍTIMO TERRESTRE DAS ILLAS ATLÁNTICAS.

Durante a nosa investigación estudamos estes ecosistemas e a algúns dos animais e plantas que os habitan.

Como resultado final dese traballo fixemos unha GUÍA DE FAUNA E FLORA DO PARQUE NACIONAL MARÍTIMO TERRESTRE DAS ILLAS ATLÁNTICAS.

martes, 16 de febreiro de 2021

SEGUE O MISTERIO!

Fai algúns días, cando chegamos a clase, atopamos na corcheira unha fotografía de Antía  e   Fiz  na illa de Sálvora xunto a unha manda de cabalos salvaxes e xunto a eles había no chan un libro titulado "Unha historia de illas".


Cando estabamos falando sobre o que podería significar aquela foto chegou Carmen cunha carta e co libro que aparecía  na fotografía.

Lemos a pequena historia, que resultou ser moi interesante.

Premede na portada se queredes lela vós mesmos.


A continuación lemos tamén a carta e sorprendémonos moito cando vimos que estaba escrita por Antía e Fiz.



SEGUIREMOS AXUDANDO A ANTÍA E FIZ!

Non sabiamos como seguir a investigación pero parece que temos outra pista, xa que acaba de aparecer na corcheira unha nova fotografía.

Agora pensamos que cada vez estamos máis cerca de resolver o misterio.

Debemos investigar sobre a nova especie!


TODO ESTÁ NOS LIBROS!

Durante os días que estivemos poucos na clase, xa que o resto dos compañeiros estaban confinados, fixemos diferentes actividades e, entre outras, levamos a cabo unha pequena remodelación da biblioteca da aula.

Lara, Brais, Yago e Wasim buscaron unha nova disposición para os libros que estamos utilizando no Proxecto de centro deste curso, no noso caso o "PARQUE NACIONAL MARÍTIMO TERRESTRE DAS ILLAS ATLÁNTICAS".

Distribuíronse en dous equipos e fixeron unha relación dos libros, separando os CONTOS dos LIBROS CIENTÍFICOS.

Tanto os listados como a colocación dos libros quedaron chulííísimos!

Moi ben chicos!








martes, 2 de febreiro de 2021

TRABALLAMOS NA CASA

 Ola chicos!

Esta semana podedes facer un pequeno traballo relacionado co proxecto do PARQUE NACIONAL MARÍTIMO TERRESTRE DAS ILLAS ATLÁNTICAS.

Hoxe non vou ser eu quen vos explique o que tedes que facer, será Brais, que estivo onte na clase e despois de facer un gran traballo convertiuse no "PROFE BRAIS". 

Prestádelle moita atención!



Agora premede na ilustración para poder ler o conto dos Bolechas.



Espero veros moi pronto! Ahhhh, un bico de Camaleón!