BO NADAL!

 Ola chicos!

Xa rematamos o 1º trimestre e teño que dicirvos que estou moi contenta porque todos traballáchedes moitííííísimo.

Agora chegan uns días de descanso para repoñer enerxías de cara ao 2º trimestre.

Xogade moito!

Camaleón e eu desexámosvos BO NADAL!

CHEGA O INVERNO!

 Hoxe, luns 21 de decembro, ás 11.02 horas entra o INVERNO.

Cos seguintes vídeos imos repasar como se producen as diferentes estacións do ano.

Este ano prodúcese un fenómeno que non ocorría desde fai 800 anos e consiste en que dous planetas van a estar un xunto a o outro. Os planetas son Xupiter e Saturno.

 

O Sr. Xelatina verde estará contento!

Agora toca abrigarse!

INVESTIGAMOS SOBRE O CORVO MARIÑO CRISTADO

Despois de recibir na clase un billete para viaxar das Illas Cíes, onde estabamos coñecendo a flora e a fauna, ata a Illa de Ons, embarcamos no flamante submarino amarelo.

Unha vez chegados ao peirao da Illa de Ons recibíronnos uns fermosos CORVOS MARIÑOS CRISTADOS.

Investigaremos a esta ave e tamén queremos que estea na nosa GUÍA DA FLORA E FAUNA DO PARQUE NACIONAL DAS ILLAS ATLÁNTICAS.

O CORVO MARIÑO CRISTADO É MOI GRACIOSO! VERDADE?

UN SOBRE MISTERIOSO!

Hoxe, cando estabamos na clase de Ciencias, Carmen tróuxonos uns sobres cos nosos nomes.

Cando os abrimos atopamos dentro un billete para viaxar en submarino desde as Illas Cíes ata a Illa de Ons.

Hoxe era o día! polo que pechamos moi forte os ollos e xogando coa nosa imaxinación viaxamos nun submarino amarelo ata a Illa de Ons. 

Cando chegamos recibíronnos unhas fermosas aves.

Debemos investigalas!

 

INVESTIGAMOS SOBRE O TOXO COSTEIRO

Na clase de Ciencias seguimos investigando a flora e a fauna das Illas Cíes.

Despois de estudar tres especies do Reino Animal (GAIVOTA PATIAMARELA, PÍLLARA DAS DUNAS E LAGARTO ARNAL) agora tócalle o turno a unha especie do Reino Vexetal.

Aprenderemos moitas cousas sobre o TOXO COSTEIRO.

Ahhh! e tamén formará parte da nosa GUÍA DA FLORA E FAUNA DO PARQUE NACIONAL MARÍTIMO TERRESTRE DAS ILLAS ATLÁNTICAS.

QUE COR TAN BONITA!

CLASIFICACIÓN DAS PLANTAS

As plantas son seres vivos que forman o REINO VEXETAL.

Volve visitarnos o noso amigo Camaleón para falarnos sobre as plantas.

Unha forma de clasificalas é segundo o seu tamaño. Vexamos atentamente o seguinte esquema.

E agora tócalle o turno a Camaleón.   

QUE INTERESANTE!

UN NOVO MISTERIO!

A semana pasada enfrontámonos a un novo misterio.

Cando chegamos do recreo, na pizarra da clase habia algo moi estraño, era o que parecía a silueta dun lagarto e uns papeis con números, que parecían ter algún tipo de informacion sobre ???

A todos pareceunos que aquilo tiña algo que ver coa clase de Ciencias polo que decidimos esperar a que chegara Merce, pero mentres tanto, na hora de ler, aproveitamos para investigar nos libros sobre o Parque Nacional Marítimo Terrestre das Illas Atlánticas que temos na clase, por se atopabamos a aquel lagarto. Foi Sofía a que tivo sorte e viu unha fotografía que ben podería ser de aquel animal que estaba pegado na pizarra.

Cando chegou Merce contámoslle o que pasara e ela tamén estaba moi estrañada pero mostrabase de acordo con que Sofía tiña unha pista fiable. 

Antes de descifrar aquel enigma Merce dixo que tiñamos que ver un esquema no blog da clase que falaba sobre os ANIMAIS VERTEBRADOS E INVERTEBRADOS.

Así o fixemos e cando rematamos de velo apareceu misteriosamente na pantalla a silueta daquel lagarto.

INCRIBLE!

Xa non podiamos esperar máis polo que abrimos aqueles papeis e leimos o que alí poñia.

Agora estaba todo claro, aquela silueta era do LAGARTO ARNAL, que vive no PARQUE NACIONAL  MARÍTIMO TERRESTRE DAS ILLAS ATLÁNTICAS.

Despois puidemos ver no blog moitas fotos e diferentes vídeos sobre o LAGARTO ARNAL.

Este animal tamén formará parte da nosa guia sobre a fauna e a flora do Parque!

INVESTIGAMOS SOBRE O LAGARTO ARNAL

Canto tempo sen ver ao noso amigo Camaleón! Xa tiñamos ganas de que pasara polo blog a contarnos cousas interesantes.

Esta vez vai falar de ANIMAIS, e concretamente de ANIMAIS VERTEBRADOS, xa sabedes, aqueles que teñen osos no seu corpo.

ESCOITEMOS ATENTAMENTE A CAMALEÓN!

MOI INTERESANTE!

Agora aprendamos sobre un grupo de animais vertebrados, os RÉPTILES.

 

Está claro que o LAGARTO ARNAL, que vive no PARQUE NACIONAL MARÍTIMO TERRESTRE DAS ILLAS ATLÁNTICAS é un RÉPTIL.

Déixovos algunhas fotos do LAGARTO ARNAL.

QUE FEITIÑO É O LAGARTO ARNAL!

Agora, nos seguintes vídeos, veremos ao lagarto arnal en diferentes momentos do día.

 

Que vida máis interesante ten este réptil, verdade?

REINO ANIMAL

 Os animais son SERES VIVOS que forman un grupo chamado REINO ANIMAL.

Aos animais podemos clasificalos en dous grandes equipos: VERTEBRADOS e INVERTEBRADOS.

OS ECOSISTEMAS

Seguimos aprendendo sobre o "Parque Nacional Marítimo Terrestre das Illas Atlánticas", xa que precisamos saber moitas cousas para poder axudar a Antía e a Fiz a resolver o misterio do cofre do tesouro aparecido nas Illas Cíes.

Daremos un paso máis. Agora estudaremos os ECOSISTEMAS.

Que palabra máis estraña... ¿QUE É UN ECOSISTEMA?

Un ecosistema é o conxunto de seres vivos, animais e vexetais, que viven e relaciónanse no mesmo espazo.

Vexamos o seguinte vídeo porque é moi interesante.