INVESTIGAMOS OS VOLCÁNS

 

Nas clases  de Ciencias seguimos a investigar sobre os volcáns.

Despois de ver varios vídeos e un libro moi interesante que trouxo Ainhoa, falamos moito sobre os volcáns e as erupcións.

Fixemos un volcán moi chulo con plastilina e despois puxémonos mans á obra para facer un experimento co que conseguimos ter unha pequena erupción.

FOI MOI INTERESANTE!

No seguinte vídeo faremos un repaso da nosa investigación.

CAMBIO DE ESTACIÓN

Hoxe, mércores 22 de setembro, ás 21.21 horas comeza o outono.

Deixamos o verán atrás e comezamos unha nova estación, que rematará o 21 de decembro coa chegada do inverno. 

FELIZ OUTONO!

VOLCÁNS

 
Estes días entró en erupción un volcán na illa da Palma, unha das Illas Canarias.

Vexamos estes vídeos para saber que é un volcán.

Agora xa sabemos máis cousas pero seguiremos investigando sobre os volcáns!

BENVIDOS!

Benvidos "Pequenos científicos"!

Este curso darei clase aos alumnos de 1º, que están dispostos a aprender moitísimo sobre CIENCIA.

Empezamos o curso facendo un XOGO DE PISTAS.

Na clase apareceron uns sobres misteriosos que non sabiamos para que servían.

Deunos unha pista un vídeo que puxo Merce.

As 5 pistas leváronnos a diferentes lugares do colexio. Atopamos varios trozos do que parecía ser un animal.

Cando tivémolos todos montamos o crebacabezas e apareceu un camaleón.

Era Camaleón, un amigo que pasará con nós todo o curso e que nos ensinará moitas cousas interesantes.

PREPARADOS PARA TRABALLAR!

BO VERÁN!

Ola "Pequenos científicos"!

Xa rematamos este curso tan estraño e con tantas dificultades, pero que non impediron que puideramos adentrarnos no mundo da ciencia.

Divertínme moito con vós e con todos os amigos que pasaron pola clase de Ciencias.

Desexo que teñades unhas boas vacacións e que veñades o próximo curso coas pilas recargadas.

Déixovos o vídeo resumo do proxecto deste curso e a ver se vos animades a visitar algunha das illas durante este verán. 

Xa me contaredes!

Un bico moi grande. Merce

OS MEDIOS DE COMUNICACIÓN

Os MEDIOS DE COMUNICACIÓN son mecanismos ou ferramentas a través dos cales se transmite unha información de forma individual ou de forma colectiva.

Agora que Xelatina Verde vai ser veciño de Vilalonga deberiamos comunicar aos habitantes do concello que un xupiteriano vivirá entre nós.

Que medio ou medios de comunicación poderiamos utilizar para que os veciños de Vilalonga coñezan ao noso amigo?

XELATINA VERDE PRESENTA A SÚA SOLICITUDE!

Agora que xa está constituido o EQUIPO DE GOBERNO, a Alcaldesa e o Alcalde deberon constestar a SOLICITUDE de Xelatina Verde para vivir en Vilalonga.

O EQUIPO DE GOBERNO comezou a traballar para recibir á Xelatina Verde como se merece.

A Alcaldesa, o Alcalde e os Concelleiros tiveron fantásticas ideas para facer sentir a Xelatina Verde coma se estivese na súa propia casa.

FELICIDADES CHICOS!  MOI BO TRABALLO!

Depois de elaborar os seus proxectos, os CONCELLEIROS presentáronos persoalmente.

CONCELLEIROS DE ECONOMIA

CONCELLEIROS DE MEDIO AMBIENTE

CONCELLEIROS DE DEPORTES

CONCELLEIROS DE SEGURIDADE CIDADÁ

CONCELLEIROS DE EDUCACIÓN E CULTURA

CONCELLEIROS DE IGUALDADE

CONCELLEIROS DE OBRAS E VIVENDA

Por último a Alcaldesa e o Alcalde déronlle a benvida oficialmente a Xelatina Verde.

XELATINA VERDE QUERE VIVIR EN VILALONGA!

O luns levamos unha gran sorpresa cando soubemos que o noso amigo Xelatina Verde quería quedarse a vivir en Vilalonga.

Xa sabemos que ten que facer unha SOLICITUDE no CONCELLO, que debe aceptar a súa petición.

Como o concello quédanos un pouco lonxe e non podemos acompañar a Xelatina Verde ata Sanxenxo por culpa da COVID imos formar un CONCELLO na clase para axudar ao noso xupiteriano favorito a quedarse a vivir con nós.

O primeiro será elixir unha ALCALDESA e un ALCALDE.

 FAREMOS UNHAS ELECCIÓNS! 

O primeiro paso foi a presentación de candidaturas.

Os candidatos e candidatas presentaron as súas propostas aos seus compañeiros.

Por último realizamos a votación para elección de Alcaldesa e Alcalde.

 

Os elixidos foron:

e

NORABOA!

Por último formamos o EQUIPO DE GOBERNO.

Agora xa podemos contestar á solicitude de Xelatina Verde!

QUÉ PASARÁ?

PODERÁ VIVIR EN VILALONGA?

PRONTO O SABEREMOS!

UN TORNADO EN VILALONGA!

Cando chegamos a clase o luns estabamos preparados para poñer en práctica as nosas hipóteses co fin de liberar o platillo volante de Xelatina Verde, pero de repente entrou Carmen na clase cun sobre para nós, que poñía "URXENTE".

Yanira foi a encargada de abrir o sobre, e alí había unha carta de Xelatina Verde que contábanos o que pasara pola noite.

Os nosos plans acababan de cambiar!

Xelatina Verde xa non estaba no campo de fútbol, tiñámolo preto de nós!

Saimos ao patio con moitas gañas de atopalo, e alí estaba, entre as plantas da xardineira. Con moito coidado collémolo e levámolo para clase. 

Xelatina Verde contounos que na noite do domingo un gran tornado levantárao polo aire e deixárao no colexio.

A verdade é que pasou un pouco de medo cando xiraba dentro do tornado, pero ao final todo rematou ben.

Estabamos moi contentos de que Xelatina Verde viñera de visita e así llo fixemos saber, pero levamos unha gran sorpresa cando nos dixo que non viña de visita senón que quería quedarse a vivir en Vilalonga.

Parecéunos moi boa idea, pero Merce díxonos que primeiro debería facer unha solicitude no Concello para poder vivir con nós, xa que non podía aparecer pola rúa un xupiteriano así porque si.

AXUDARÉMOSLLE A PRESENTAR A SOLICITUDE NA ALCALDÍA!

ESPEREMOS QUE ACEPTEN QUE VIVA EN VILALONGA!

AS NOSAS HIPÓTESES

Despois de recibir a carta de socorro de Xelatina Verde pedíndonos axuda porque estaba atascado co seu platillo volante no campo de fútbol, informámonos vendo algúns vídeos sobre as FORZAS e falando na clase, e puxemos as nosas cabeciñas de científicos a pensar.

Tivemos moi boas ideas!

Tranquilo Xelatina Verde, pronto serás libre!